Kryetari i Qeverisë së Maqedonisë së Veriut, Zoran Zaev sot u takua me delegacion të konsorciumit “Behtel-Enka”, të cilin e udhëhoqi kryetari i njësisë për infrastrukturë të kompanisë “Behtel” Shon Keni.

Në takim ku mori pjesë edhe zëvendëskryetari i Parë i Qeverisë dhe ministër për Sistem Politik dhe Marrëdhënie ndërmjet Bashkësive, Artan Grubi, ministri i Financave, Fatmir Besimi, ministri për Transport dhe Lidhje, Bllagoj Boçvarski dhe drejtori i NP “Rrugët Shtetërore” Ejup Rustemi, u bisedua për fazën aktuale për realizimin e Memorandumit për ndërtimin e Korridorit 8, për aksin rrugor Tetovë-Gostivar-Bukojçan dhe për projektin Trebenishtë – Strugë – Qafë Thanë, si dhe për Korridorin 10 D, gjegjësisht për aksin rrugor të autostradës Prilep – Manastir.

Për realizimin e këtij Memorandumi në Kuvendin e Republikës së Maqedonisë së Veriut u miratua Ligji për përcaktimin e interesit publik dhe nominimin e partnerit strategjik për zbatimin e projektit, dhe gjatë procedurës për marrjen e mendimit nga Gjykata Kushtetuese, e kërkuar nga Komisioni Shtetëror për Parandalimin e Korrupsionit, në interes kohor ekzistojnë dispozita nga memorandumi të cilat mundësojnë punë dhe precizim të draft-marrëveshjes që duhet të miratohet nga të dyja anët për t’u mbyllur procedura ligjore e cila do të mundësojë realizim të projekteve të parapara infrastrukturore, u tha në këtë takim.

Në takim u tha se në Republikën e Shqipërisë fqinje janë duke përfunduar procedurat dokumentet e projektit për drejtimet rrugore dhe hekurudhore nga Korridori 8 në atë vend, me ç’rast ky korridor evropian bëhet me fizionominë përfundimtare për ndërlidhje të Detit të Zi dhe Adriatik.

Në takimin me menaxhmentin e “Behtel – Enka” Kryeministri Zaev e përshëndeti faktin për mirënjohjet më të larta për këtë konsorcium në realizimin e projekteve infrastrukturore në botë dhe veçanërisht në rajon, si dhe faktin se madje 80% e punëve të kompanisë i realizon me kompani lokale që është me rëndësi të veçantë për lëvizjen e ekonomisë së vendit dhe sektorit të ndërtimtarisë.